Günel Mehri - Payız hərarəti

Payız hərarəti çöküb içimə.

Bir az üşüyürəm. 

Amma sərbəstəm.

Payız yarpaqların tökür üstümə, 

Yarpaqlar rəqs edir

Düz ətrafımda.

Mən payıza varam. Payız da mənə.

Gah sarı, gah qızılıya,

Baxdıqca məstəm.

Payıza sevdalı olmaq nə demək?

O, gəldi-gedərdir, 

O, dəymə-düşər...    

İçimdəki quşlar köç edir gedə.

Yaman qüssəliyəm.

Üzüm gülsə də. 

Payız səmalardan axır üzümə ,

Ovcum göylərdədir,

Payız çöhrəmdə.

Onu damla-damla qoxlayıram mən,

Eşqin ətri gəlir.

Və mən xoşbəxtəm...