Gənc müəllifdən debüt şeirlər

İş Tahir və Zöhrədə deyil

Ruhu bədəndən qoparıb atmaqda

Səssiz çöllərin dərinliklərinə.

Bir daha adını anmağa 

Tövbə etmək istəmsizcə.

İki gözümün ağrısı işlədikcə qəlbimə,

Kök salsam məbədin ayaqlarına 

Yalvarmaq əllərimdən axar gedər 

Başqa sevdaları diri tutmağa.

İçimə işləyən əllərin boğur məni,

Yuxularıma çökür haqsızca.

Ənbər qoxan ağzımın tamı

 Qana susayan zəhəri dadır.

***

Keçdi payız...

Ayın tarixini bilmirəm,

Amma yenə könlümdəsən.

Qış gəlir...

Əllərim üşüyəcək həsrətinlə,

İsinmək istəyəcək nəfəsinlə.

Ürəyimin ritmi pozulur,

Nəfəsin nəfəsim olur.

Sonra günlərdən yaz...

Baharın gözəlliyi ilə 

Sənə sevgim bütünləşəcək.

Çiçək açacaq solum,

Sağım sən...

Yay və tüstü başımda

Biraz da həsrətli günəş 

Daha çox isidəcək sənli  məni.

Nə yaz,nə yay, payız,qış.

Bildiyim tək bir şey 

Sənsən mənim 4 fəslim.

***

Gəl! Pərvanətək gəl!

Evimə qonaq gəl!

Qayğılarımı könlünə elə sıx ki,

İncilər tökülüb nəm etməsin çatlaq dodaqlarımı,

Yetim uşaqtək boynubükük qalmasın.

Birlikdə gəzək cənnət bağını,

Sənsiz mənə qəlb evim cəhənnəm.

Çəkmə çinar gözlərini gözümdən

İcazə ver sulayım budaqlarını.

Hər saniyə şəklinə tamaşa edirəm 

Çəkmirəm gözlərimi bəxt üzüyündən,

Güləcək dünya yazdıqlarıma 

Anlamayacaq qəlb məbədimi...

Şahlar əmr edəcək, fərman yazacaq,

Asacaq boynumdan kəndir ipini

İp təsəlli edərmi

Qandallı  taleyimi?

Ruh məskənim! 

Biz səninlə Adəm və Həvva deyilik.

Biz səninlə Yusif və Züleyxayıq

Kədər yollarında…

FİRUZƏ

NDU-nun filologiya ixtisası üzrə II kurs tələbəsi,

Gənc Yazarlar Klubunun üzvü