Fərid Muradzadədən şeir

Nə mütləqəm, nə faniyəm

Zərrəm surəti-rəsmdə, 

Savabam, günaham, lələ! 

İnsanam, son nəfəsimdə 

"Eh"əm lələ "ax"am lələ! 

Korun-korun yanan odam, 

İnsanlar içində adam, 

Adamlar içində adam* (ad) 

İşığam, çırağam,lələ! 

Tozlar, zərrələr yoldaşım, 

Çəmənlər, otlar sirdaşım, 

Çiçəklər bacım, qardaşım, 

Ağaca yarpağam, lələ! 

Nə acizəm, nə adiyəm, 

Nə mütləqəm, nə faniyəm, 

Dünya adlı bir faniyə, 

Mehmanam, qonağam, lələ! 

02.06.2025