Valentin Qaft - "Köpək"

Niyə belə vəfalıdır bu Köpək?

Hüdudsuzdur sevgisi, etibarı.

Amma gözlərində daimi sual -

Sahibi də onu sevirmi barı?

Çünki bilir o qəfəsin dadını.

Çünki Köpək dəfələrlə döyülüb.

Çünki yoxdur insanlara etibar

İnsanlardan necə pisliklər görüb.

İndi dolaşıram küçələri mən.

Diqqətimi cəmləyirəm hər şeyə.

Yaxşı-yaxşı baxıram adamlara,

Köpək kimi aldatmasınlar deyə.

Tərcümə: Həmid P.